OS CEMPÉS voltan aos escenarios cun novo álbum para celebrar os 20 anos que pasaron dende o seu primeiro concerto oficial.
A banda se reinventa de novo con TENTEMOZO, nunha nova gravación na que participan máis de 50 artistas entre músicos, técnicos e creativos.
TENTEMOZO é o quinto álbum desta banda das terras do Ferrol, e ó mesmo que aconteceu cos seus discos anteriores, neste Os Cempés atopan novos camiños sonoros e recrean con novos timbres o seu propio son característico e único.
Este álbum é posíbel grazas o financiamento de 740 seguidores e amigos incondicionais da banda. Cada un deles está nomeado no libreto do álbum.
O repertorio é unha selección de músicas para bailar, as máis fermosas coplas e as mellores melodías do cancioneiro popular, arranxadas polo propio grupo agás novas composicións. A dirección artística e coordinación xeral foi de Oscar Fernández.
O son de TENTEMOZO é unha exaltación do carácter acústico dos instrumentos populares, nunha sucesión de temas con arranxos que van dende o máis íntimo ao máis orquestrado, todos eles rexistrados do xeito máis fidedigno posible, sempre baixo a mestría e implicación no proxecto de Tomás Ageitos, técnico e gurú do Estudio A Ponte, en Compostela.
Música da Terra para comezar unha revolución, e tamén para namorar, para bailar sen parar toda a noite, para rir, para sentir sensacións de tempos pasados ou como banda sonora dos presentes.
Os Cempés son:
Antón Varela: Gaitas
Serxio Ces: Voz, bombo, pandeireta e asubío
Ramón Dopico: Percusións
Pablo da Lama: Saxos e clarinete
Fernando Barroso: Bouzouki
Oscar Fernández: Zanfona e Voz
Os convidados especiais nesta gravación son: As Mozas e Mozos da Escola Livre da Musica Popular Galega (ELMPG) e os amigos colaboradores de luxo: Begoña Lorenzo, Carlos Quintá, José Díaz, Pablo Doval, Benxa Otero, Iván García, Uxía Muiño, Luis Peixoto, Tiago Pereira, Martín e Miguel Sanjurjo.
Este traballo, terceiro da discografía dos Cempés, propón unha forma innovadora de entende-la música tradicional sen perde-lo carácter popular e fresco dos discos anteriores.
Aborda con seguridade e bo gusto harmonías moito máis elaboradas, composicións propias e arranxos tradicionais ben resoltos. A incorporación de novos instrumentos enriquece e define a ambición musical dun disco para o que contaron coa colaboración dalgúns dos seus amigos:
Baldo Martínez(contrabaixo e baixo eléctrico), Carlos Beceiro (bouzouki), Uxía Pedreira (voz), Pancho Álvarez (mandolina e bouzouki), Quico Comesaña (arpa), Guillermo Fernández (guitarra), Xabier Díaz (percusión tradicional), Nanda Kunmar (táboa e doleak), Álvaro Lamas (steel guitar), grupo Zaragallada (coros), e Juan Antonio Cimarro (piano).
En tres das cancións participou o grupo "Metales Preciosos" (saxo, trombón e trompeta) e, como guinda, unha composición de Oscar Fernández Sanjurjo, orquestrada por Nani García e interpretada por unha pequena sección de corda de tres violíns, dúas violas e un violoncello. Producido por Francisco Gude e Oscar Fernández Sanjurjo, o disco gravouse nos estudios Bruar da Coruña, Casa de Tolos en Vigo e Trak en Madrid.
A concepción gráfica, a escenografía, o vestiario e o deseño gráfico foron obra do ilustrador P.Pastor, quen elaborou unha imaxe evocadora que nos transporta aos circos históricos dos anos corenta, onde a pequena orquestra circense se mestura con trapecistas, comedores de lume ou equilibristas, nun ambiente máxico e colorido. Montserrat Velando foi a fotógrafa que fixou tan sorprendentes imaxes.
Os Cempésson un grupo para gozar en vivo, para bailar e para se divertir. Os Cempésxurdiron para facer bailar e divertirse e no Circo Montecuruto demostran todo o seu potencial.Os Cempésson: Oscar Fernández Sanjurjo (acordeón, zanfona e voz), Antón Varela (gaitas e clarinete), Toni do Jaz (batería e percusión), Serxo Cés (pandeireta, saxo soprano e voz).
Capitán R
Opa iii!
